Друженя з другима Клубами
Медзи активносцами хтори спроводзи кажди Клуб лїчених алкоголичарох, то и друженя з другима Клубами лєбо подобнима здруженями. Тото ше одвива на Рочних скупштинох, означованьох Дня Клуба, на рижних вилєтох лєбо даяких спортских стретнуцох. Вшелїяк же окремне задовольство кед ше мож стретнуц зос товаришами Клубох, яки исную и у других державох.
Таки єден Клуб иснує и у Словацкей Републики у месце Медзилаборци. Наш Клуб мал задовольство стретнуц ше зос членами того Клуба у юлу мешацу того року: 09. и 10. були штверо їх члени нашо госци.
Понеже Основна школа и Ґимназия ''Петро Кузмяк'' з Руского Керестура ма длучорочне сотруднїцтво зоз основну школу зоз Медзилаборцох
нащивели зме з нашима госцами школу дзе нас прияла директорка.
Потим зме нащивели неуропсихиятрию у Сомборе
дзе зме ше стретли зоз терапеутским тимом,
а потим нашо госци присуствовали на роботи терапеутох у ґрупи
пацийентох хтори на лїченю.
Остатнього дня нащивели зме Водицу -
- познате паломнїцке место у керестурским хотаре
Означованє дня Клуба єдна манифестация кед ше зиду шицки тоти цо на одредзени способ участвую у роботи Клуба. Чи то на тот способ же директно спроводза тото на чим Клуб по своїм статуту треба же би робел, чи то так же зоз своїма донациями помагаю тоту роботу. Так исто ше помоц у роботи Клуба состої и у тим же популаризую тото цо Клуб роби. Таку помоц даваю средства явного информованя - новини и телевизия.
Клуб антиалкоголичарох ''Здрави живот'' у Руским Керестуре вжал себе шести авґуст, швето Вознесения, як дзень Кулуба. Символично ше и лїчени алкоголичаре на єден способ преображели од алкоголичарох до здравих членох друштва.
Того, 2004. року, на означованю дня Клуба ше з нами дружели новинаре Руского слова, Кулскей комуни и Телевизиї Нови Сад - Рускей редакциї, як и представнїк предприяца за опток лїкох ''Ветпром'' зоз Нового Саду, котри наш донатор.